«Real» markaziy himoyachi Ibraima Konatening transferi bo‘yicha kelishuvga erishib, yozgi eng muhim transferlardan birini yakunlab bo‘ldi. Futbolchi Jahon chempionatidagi Fransiya terma jamoasi safidagi o‘yinlarini tugatganidan so‘ng Madrid klubiga rasman qo‘shilishi kutilmoqda.
«U juda agressiv himoyachi — bu so‘zning eng yaxshi ma’nosida. U deyarli hech qachon xato qilmaydi, to‘pni olib qo‘yishda juda qat’iyatli. U raqibga bugun og‘ir oqshom kutayotganini tushuntirib qo‘yishni istaydi. Jamoamizda shunday himoyachilar bo‘lishi menga yoqadi.
Unda xarakter va shijoat bor, taktik jihatdan qayishqoq — raqibni yuqorida kutib olishi, yakkama-yakka kurashlarda (duellarda) g‘alaba qozonib, intizomni saqlagan holda o‘ynashi mumkin», — deya Mbappening so‘zlarini L’Équipe nashri keltiradi.
Eslatib o‘tamiz, Konate bundan avval «Liverpul» safida to‘p surgan. Futbolchi jamoani erkin agent sifatida tark etadi.
