Мюнхеннинг «Бавария» клуби томонидан давом этаётган қизиқишлар фонида «Ливерпуль» 17 ёшли вингер Рио Нгумоа билан иложи борича тезроқ янги шартнома бўйича келишиб олишни мақсад қилган.
Football Insider нашрининг хабар беришича, мерсисайдликлар раҳбарияти Германия клубининг футболчи билан алоқага чиққани ҳақидаги хабарлардан норози ва янги битимни август ойи охирида — футболчи 18 ёшга тўлиши билан дарҳол расмийлаштиришга умид қилмоқда.
Бундан аввалроқ «Бавария» футболчи билан ўтиш борасида келишиб олишга уриниб кўргани ва уни ҳануз трансфер бозоридаги устувор мақсадларидан бири сифатида кўраётгани ҳақида хабар берилган эди. Журналист Пит О'Рурк Англия клуби аллақачон музокараларга тайёргарлик кўраётганини маълум қилди.
«Унинг амалдаги шартномаси 2028 йилгача мўлжалланган, бироқ «Ливерпуль» раҳбарияти унинг вакиллари билан музокаралар столига ўтириш ва янги битим имзолашга жуда қизиқмоқда».
2025/26 йилги мавсумда Нгумоха 29 та учрашувда майдонга тушиб, 3 та гол урди ва 1 та голли узатмани амалга оширди.
