Myunxenning «Bavariya» klubi tomonidan davom etayotgan qiziqishlar fonida «Liverpul» 17 yoshli vinger Rio Ngumoa bilan iloji boricha tezroq yangi shartnoma bo‘yicha kelishib olishni maqsad qilgan.

Football Insider nashrining xabar berishicha, mersisaydliklar rahbariyati Germaniya klubining futbolchi bilan aloqaga chiqqani haqidagi xabarlardan norozi va yangi bitimni avgust oyi oxirida — futbolchi 18 yoshga to‘lishi bilan darhol rasmiylashtirishga umid qilmoqda.

Bundan avvalroq «Bavariya» futbolchi bilan o‘tish borasida kelishib olishga urinib ko‘rgani va uni hanuz transfer bozoridagi ustuvor maqsadlaridan biri sifatida ko‘rayotgani haqida xabar berilgan edi. Jurnalist Pit O'Rurk Angliya klubi allaqachon muzokaralarga tayyorgarlik ko‘rayotganini ma’lum qildi.

«Uning amaldagi shartnomasi 2028 yilgacha mo‘ljallangan, biroq «Liverpul» rahbariyati uning vakillari bilan muzokaralar stoliga o‘tirish va yangi bitim imzolashga juda qiziqmoqda».

2025/26 yilgi mavsumda Ngumoxa 29 ta uchrashuvda maydonga tushib, 3 ta gol urdi va 1 ta golli uzatmani amalga oshirdi.