Португалия терма жамоаси тарихидаги энг сермаҳсул ҳужумчиси Педро Паулета «Реал» ҳужумчиси Криштиану Роналду ҳақида фикр билдирар экан, унинг бежизга терма жамоа тўпурарлари сафида иккинчи ўринга кўтарилиб олмаганини таъкидлади.

«Криштианунинг менга яқинлашиб олганидан мамнунман. Менимча, у рекордни янгилайди ҳам. У ҳар қандай рекордни парчалаб ташлай олади. Агар у менинг рекордимни янгиласа, фақат хурсандман.

Ҳаммамиз уни яхши кўрамиз. Роналду каби футбол тарихидаги энг яхши футболчилардан бирининг Португалия терма жамоасида ҳаракат қилиши бизнинг бахтимиз.

Роналдуда футболчи учун керак бўладиган ҳамма нарса бор. У жамоа учун жонини бериб ўйнашга тайёр»,- дейди футболчи.