«Аталанта» ярим ҳимоячиси Эдерсон Лоуренсонинг «Манчестер Юнайтед»га ўтганидан сўнг қанча маош олиши маълум бўлди.
Инсайдер Николо Скиранинг таъкидлашича, яқин соатлар ичида 26 ёшли Эдерсон тиббий кўрикдан ўтади. Шундан сўнг футболчи «Манчестер Юнайтед» билан 2031 йилгача бўлган шартномага имзо чекади ва йилига 5 миллион евро маош олади. Келишув суммаси 45 миллион еврони ташкил этади.
2025/26 йилги мавсумда Эдерсон барча мусобақаларда 41 та учрашувда майдонга тушиб, уч марта рақиб дарвозасини ишғол қилди ва иккита голли узатмани амалга оширди. Жаҳон чемпионати – 2026 гуруҳ босқичининг Марокашга қарши (1:1) биринчи тур учрашувида бразилиялик футболчи майдонга тушмади.
