Sky Sports маълумотларига кўра, Германия футбол иттифоқи (DFB) томонидан терма жамоа олдига қўйилган ички мақсад — чорак финалга қадар етиб бориш. Агар немис жамоаси мусобақанинг энг кучли саккизта жамоаси қаторига кирса, уларнинг иштироки муваффақиятли деб баҳоланади.
Агар жамоа ярим финалга чиқишга муваффақ бўлса, бу катта муваффақият сифатида қабул қилинади (Германия 2014 йилги Жаҳон чемпионатидан буён катта турнирларда ярим финалга чиқа олмаган).
Эслатиб ўтамиз, Германия терма жамоаси ЖЧ-2026 гуруҳ босқичида Эквадор, Кюрасао ва Кот-д’Ивуар терма жамоалари билан бир гуруҳдан жой олган. Германиялик футболчилар ўзларининг биринчи учрашувини бугун, 14 июнь куни ўтказадилар.
