Германия терма жамоаси бош мураббийи Юлиан Нагельсманн Юрген Клопп ва Томас Мюллер томонидан футбол бўйича ЖЧ-2026 учун немис жамоасининг асосий таркиби борасида берилган тавсияларга муносабат билдирди.
Аввалроқ Клопп ва Мюллер Жамал Мусиалани бошланғич таркибдан чиқариб, унинг ўрнига Дениз Ундавни туширишни таклиф қилишган эди.
«Ҳозир бу ҳақда гапирадиган қулай вақт эмас деб ўйлайман. Ҳар ким ўз фикрига эга бўлиш ҳуқуқига эга. Бу борада менинг ҳам ўз фикрим бор, лекин уни сизларга айтмоқчи эмасман.
Нима бўлган тақдирда ҳам, бизда экспертлар кўп. Юрген ва Томас футболда катта муваффақиятларга эришишган, улар хоҳлаган гапини айтиш ҳуқуқига эгалар.
Мен бор эътиборимни ўз жамоамга, ўз ишимга қаратганман, кейинги ўйинда ғалаба қозонишга ҳаракат қиламан. Ва ундан кейингисида ҳам», – деди Нагельсманн.
Бугун Германия терма жамоаси турнирдаги илк ўйинини Кюрасаога қарши ўтказади.
