Germaniya terma jamoasi bosh murabbiyi Yulian Nagelsmann Yurgen Klopp va Tomas Myuller tomonidan futbol bo‘yicha JCH-2026 uchun nemis jamoasining asosiy tarkibi borasida berilgan tavsiyalarga munosabat bildirdi.
Avvalroq Klopp va Myuller Jamal Musialani boshlang‘ich tarkibdan chiqarib, uning o‘rniga Deniz Undavni tushirishni taklif qilishgan edi.
«Hozir bu haqda gapiradigan qulay vaqt emas deb o‘ylayman. Har kim o‘z fikriga ega bo‘lish huquqiga ega. Bu borada mening ham o‘z fikrim bor, lekin uni sizlarga aytmoqchi emasman.
Nima bo‘lgan taqdirda ham, bizda ekspertlar ko‘p. Yurgen va Tomas futbolda katta muvaffaqiyatlarga erishishgan, ular xohlagan gapini aytish huquqiga egalar.
Men bor e’tiborimni o‘z jamoamga, o‘z ishimga qaratganman, keyingi o‘yinda g‘alaba qozonishga harakat qilaman. Va undan keyingisida ham», – dedi Nagelsmann.
Bugun Germaniya terma jamoasi turnirdagi ilk o‘yinini Kyurasaoga qarshi o‘tkazadi.
