Аргентиналик футболчи Пауло Дибала ўзининг яқин келажаги ҳақида гапириб, «Рома»даги тўрт йиллик фаолиятидан сўнг ҳозир ҳар қандай таклифни кўриб чиқишга тайёр эканлигига шама қилди.

«Кўрамиз, нима содир бўларкин. Ҳозир мен учун барча клублар эҳтимолий вариант бўлиши мумкин. Ҳозирча, шу ойнинг охирига қадар мен «Рома» ўйинчиси бўлиб қоламан ва шу сабабли, клубга бўлган ҳурматим юзасидан келажагим ҳақида ҳаддан ташқари кўп гапиришни истамайман», - дея Дибаланинг сўзларини келтиради derbyderbyderby.it.

Эслатиб ўтамиз, Дибала «Рома»га ўтишдан олдин етти йил давомида Туриннинг «Ювентус» клубида тўп сурган. У Аргентина терма жамоасининг ҳозирда бўлиб ўтаётган Жаҳон чемпионати учун қайдномасидан жой олмади.