Иван Юрич Италия футболига қайтишга яқин турибди. Хорватиялик мутахассис «Монца» бош мураббийлигига асосий даъвогар сифатида кўрилмоқда.
Журналист Жанлука Ди Марцио берган хабарга кўра, клуб раҳбарияти бир нечта номзодларни кўриб чиқяпти, бироқ айнан Юрич айни дамда бўшаб қолган лавозим учун фаворитлар қаторида турибди.
Манбанинг таъкидлашича, бугун, 15 июнь куни томонлар учрашув ўтказишади ва унда ҳамкорлик шартларини келишиб олишга ҳаракат қилишади.
Эслатиб ўтамиз: «Монца» Паоло Бьянко кетганидан сўнг янги устоз қидирмоқда. Якунланган мавсумда жамоа А Серияни тарк этди ва навбатдаги чемпионатни Италиянинг кучи жиҳатидан иккинчи дивизионида (Б Серия) ўтказади.
