Япония терма жамоаси ярим ҳимоячиси Даити Камада Жаҳон чемпионати финал босқичи гуруҳ босқичининг 1-туридан ўрин олган Нидерландияга қарши учрашувдаги дуранг (2:2) ҳақида фикр билдирди.

«Биз ўйиндан олдин ҳеч бўлмаганда бир очко олишимиз кераклиги ҳақида гаплашгандик. Баҳс оғир кечди, аммо биз тайёргарлик кўрган режаларимизни майдонда кўрсата олдик ва якунда дурангга эришганимиз яхши бўлди. Нидерландиядек кучли жамоага қарши ўйинда 0:1 ҳисобида ортда қолаётганингизда, ҳисоб осонгина 0:2 ёки 0:3 га айланиб кетиши мумкин. Бизнинг ирода кўрсатиб, ҳисобни тенглаштирганимиз ва дурангга эришганимиз ушбу жамоанинг характерини яққол намойиш этади.

Ўтган Жаҳон чемпионатидаги иккинчи ўйинда Коста-Рикага қарши омадсизликка учраган эдик, шу сабабли бу сафар уч очкони қўлга киритиб, гуруҳдан чиқишни муддатидан олдин таъминламоқчимиз», — дея Камаданинг сўзларини келтиради Халқаро футбол федерацияси (FIFA) матбуот хизмати.

21 июнь куни Япония терма жамоаси Тунисга қарши майдонга тушади.