Yaponiya terma jamoasi yarim himoyachisi Daiti Kamada Jahon chempionati final bosqichi guruh bosqichining 1-turidan o‘rin olgan Niderlandiyaga qarshi uchrashuvdagi durang (2:2) haqida fikr bildirdi.

«Biz o‘yindan oldin hech bo‘lmaganda bir ochko olishimiz kerakligi haqida gaplashgandik. Bahs og‘ir kechdi, ammo biz tayyorgarlik ko‘rgan rejalarimizni maydonda ko‘rsata oldik va yakunda durangga erishganimiz yaxshi bo‘ldi. Niderlandiyadek kuchli jamoaga qarshi o‘yinda 0:1 hisobida ortda qolayotganingizda, hisob osongina 0:2 yoki 0:3 ga aylanib ketishi mumkin. Bizning iroda ko‘rsatib, hisobni tenglashtirganimiz va durangga erishganimiz ushbu jamoaning xarakterini yaqqol namoyish etadi.

O‘tgan Jahon chempionatidagi ikkinchi o‘yinda Kosta-Rikaga qarshi omadsizlikka uchragan edik, shu sababli bu safar uch ochkoni qo‘lga kiritib, guruhdan chiqishni muddatidan oldin ta’minlamoqchimiz», — deya Kamadaning so‘zlarini keltiradi Xalqaro futbol federasiyasi (FIFA) matbuot xizmati.

21 iyun kuni Yaponiya terma jamoasi Tunisga qarshi maydonga tushadi.