Мадриднинг «Реал» клуби собиқ ярим ҳимоячиси Зинедин Зидан Франция терма жамоасининг 2026 йилги Жаҳон чемпионатидаги дебют учрашувига ташриф буюрмайди. Бу ҳақда «L'Équipe» нашри журналистлари хабар бермоқда.
Манба берган маълумотларга кўра, «Зизу» «учранглилар»нинг ўйинини Жазоир ва Аргентина ўртасидаги баҳс сабабли ўтказиб юборади. Афсонавий футболчи ушбу африкалик терма жамоа шарафини ҳимоя қилаётган ўғли Люканинг майдондаги ҳаракатларини ўз кўзи билан бевосита кузатишни истамоқда.
Франция – Сенегал учрашуви сешанба куни, 16 июнь куни бўлиб ўтади. Жазоир ва Аргентина терма жамоалари ўртасидаги баҳс эса 17 июнь куни Тошкент вақти билан соат 06:00 га белгиланган.
Эслатиб ўтамиз, Жаҳон чемпионати Шимолий Американинг учта мамлакати: АҚШ, Канада ва Мексика майдонларида бўлиб ўтмоқда.













