Эрон миллий терма жамоаси бош мураббийи Амир Галенои Шимолий Америкада ўтказилаётган Жаҳон чемпионати – 2026 старти олдидан журналистлар билан суҳбатлашди.
«Эронни Жаҳон чемпионатида эканлигидан фахрланаман. Футбол барчага фақат ижобий туйғулар тақдим этишига ва инсонларни бир-бирига яқинлаштиришига умид қиламиз. Мамлакатга кириш (виза олиш) билан боғлиқ муайян муаммоларга дуч келдик, бироқ шунга қарамай, бу ерда эканлигимиздан хурсандмиз. Биз қийин вазиятлардан фойда чиқаришни биламиз. Ҳозир бор эътиборимиз ва фикру хаёлимиз фақат футбол билан банд», — дея мутахассиснинг сўзларини ижтимоий тармоқларда инсайдер Бен Жейкобс маълум қилди.
Мундиалнинг гуруҳ босқичида Эрон терма жамоасига Миср, Бельгия ва Янги Зеландия терма жамоалари рақиблик қилади.
