Франция миллий терма жамоасининг уч нафар футболчиси жамоавий тушлик вақтида столнинг тўридан (бош қисмидан) жой эгаллашади. Бу ҳақда жамоа ярим ҳимоячиси Райан Шерки ошхонадан олган видеолавҳалар дарак бермоқда.
Қолганлардан алоҳида, стол тўрида Килиан Мбаппе, Майкл Олисе ва Усмон Дембеле ўтиришади. Шеркининг ушбу «репортажи» вақтида столда фақатгина Олисе бўлган.
Бундан аввалроқ Шерки ярим ҳимоячи Н'Голо Кантенинг нима билан тушлик қилаётганини кўрсатиб, унинг таоми таркиби устидан ҳазиллашган эди.
16 июнь куни Франция терма жамоаси Жаҳон чемпионатидаги иштирокини Сенегалга қарши баҳс билан бошлайди. Кейинчалик Дидье Дешама шогирдлари плей-офф йўлланмаси учун Норвегия ва Ироқ терма жамоаларига қарши майдонга тушадилар.
