Жаҳон чемпионати – 2026 гуруҳ босқичининг 1-турида Япония терма жамоаси Нидерландия миллий жамоаси билан кечган баҳсда дурангни илиб кетди. Сўнгги дақиқаларгача шиддатли кечган учрашув 2:2 ҳисобидаги жанговар дуранг билан якунланди.
Учрашувнинг 88-дақиқасида осиёликлар учун муҳим очкони келтирган ярим ҳимоячи Даити Камада бўлиб ўтган ўйин ҳақида ўз фикрларини билдириб ўтди.
«Биз ушбу ўйинда камида дуранг қайд этишимиз шартлигини яхши тушуниб тургандик. Баҳс жуда қийин кечди. Шунга қарамай, машғулотларда ниманинг устида ишлаган бўлсак, майдонда ўшани кўрсата олдик. Бир очкони қўлга киритганимиздан хурсандмиз», — дея ярим ҳимоячининг сўзларини ФИФА матбуот хизмати келтиради.
Япония терма жамоаси турнирдаги навбатдаги учрашувини 21 июнь куни Тунисга қарши ўтказади.
