Германия терма жамоаси бош мураббийи Юлиан Нагельсманн жамоатчилик томонидан Лерой Саненинг ўйинига нисбатан билдирилган салбий фикрларга изоҳ берди.

Якшанба куни Германия миллий терма жамоаси ЖЧ-2026 гуруҳ босқичининг биринчи тури доирасида Кюрасао терма жамоасини тор-мор этди (7:1). «Галатасарой» вингери учрашувни асосий таркибда бошлади ва ўйин якунигача майдонда ҳаракат қилди, бироқ самарали ҳаракатлар билан ажралиб тура олмади.

«Леройнинг ўйинига баҳо беришда эътибор қаратиш лозим бўлган энг муҳим жиҳат — унинг ўйинга қўшган умумий ҳиссасидир. У жуда кўп меҳнат қилди, ўтиш фазаларида яхши ҳаракат қилди ва ҳам ҳужумда, ҳам ҳимояда жамоага ёрдам берди. Менимча, у ушбу учрашувда улкан масофани босиб ўтди ва рақиб ҳимоячилари ортига тинимсиз равишда ёриб кирди», – деди Нагельсманн ўйиндан кейин ОАВга берган интервьюсида.

20 июнь куни Бундестим иккинчи тур баҳсида Кот-д’Ивуар терма жамоасига қарши майдонга тушади.