«Манчестер Юнайтед»нинг собиқ устози Рубен Аморим «Милан»нинг янги бош мураббийига айланди. Бу ҳақда A Bola нашри хабар бермоқда.

Манба берган маълумотларга кўра, келишув аллақачон якунига етган. Португалиялик мутахассиснинг Италия гранди билан имзолаган меҳнат шартномаси 2028 йилгача мўлжаллангани айтилмоқда. Аморим янги клубида солиқ чегирмаларини ҳисобга олган ҳолда йилига 3,5 млн евро маош олади.

Қайд этилишича, Аморимнинг «Милан» билан шартномасида А Серия ва Чемпионлар Лигасидаги муваффақиятли иштирок учун турли бонуслар кўзда тутилган. Эслатиб ўтиш жоизки, якунланган мавсум натижаларига кўра «россонерилар» энг нуфузли еврокубок мусобақасига йўлланма ололмадилар, бироқ Европа Лигасида иштирок этадилар.