Каталониянинг «Барселона» клуби ва Испания терма жамоаси марказий ҳимоячиси Пау Кубарси «кўк-анорранглилар»нинг собиқ футболчиси Карлес Пуйолдан олган маслаҳатлари ҳақида гапириб берди.
«Биз гоҳида гаплашиб турамиз, у менга жуда кўп ёрдам беради. Пуйоль менга ҳеч қачон таслим бўлмаслигимни ва ўзлигимча қолишимни айтди. У совуққонликни сақлашни ва доимий равишда ўз устимда ишлаб, ривожланиб боришни маслаҳат берди», – дея ҳимоячининг сўзларини келтиради Mundo Deportivo.
ЖЧ-2026 гуруҳ босқичида Испания терма жамоаси Уругвай, Саудия Арабистони ва Кабо-Верде миллий терма жамоалари билан тўқнаш келади. «Қизил фурия» Жаҳон чемпионатидаги илк учрашувини африкаликларга қарши ўтказади.
