"Реал" яримҳимоячиси Анхель Ди Мария Мадрид клуби сафида эканидан бахтлилигини таъкидлаш билан бирга, бош мураббий Карло Анчелоттига ишонишини қайд этиб ўтди.
"Ҳа, "Реал" сафида ўйнашда давом этаман. Мураббийимиз менга ишонмоқда. Мен ҳам, оилам ҳам бундан жуда хурсандмиз. Энг муҳими шу", дея унинг сўзларини эълон қилган хориж ОАВ.
Эслатиб ўтамиз, шу ёзда 25 ёшли аргентиналикнинг "Реал"ни тарк этиши борасида хабарлар пайдо бўлган ва бунинг сабаби Гарет Бэйлнинг келиши билан изоҳланганди. Шунингдек, унинг Месут Ўзил билан Лондоннинг "Арсенал"ига ўтиши кутилган ҳам, аммо бу амалга ошмай қолганди.













