Нидерландия терма жамоаси собиқ ярим ҳимоячиси Рафаэл ван дер Ваарт Японияга қарши ўйиндан сўнг «оловранглар» сардори Виржил ван Дейкнинг ўйинини танқид қилди. Жаҳон чемпионати гуруҳ босқичи биринчи туридан ўрин олган учрашув 2:2 ҳисобидаги дуранг билан якунланган эди.

«Ливерпуль» ҳимоячиси гол урганига қарамай, собиқ футболчи унинг ҳимоядаги ҳаракатларидан ва қарор қабул қилиш тезлигидан норози бўлди.

«Тўғрисини айтишим керак: ван Дейкнинг ўйини мени шокка туширди. Уни кузата туриб, ҳаммаси жуда ёмон кўринаётгани ҳақида ўйладим. Унга ҳақиқатан ҳам қийин бўлмоқда. У худди бурилишга қийналаётган «Боинг-747» самолётига ўхшайди. Турнир давомида у тезроқ ҳаракат қила бошлайди деб умид қиламан», – деди ван дер Ваарт NOS студиясидаги чиқишида.

Рональд Куман шогирдлари навбатдаги учрашувни 20 июнь куни Швецияга қарши ўтказишади.