Жованни ван Бронкхорст «Фейеноорд» клубига қайтишга яқин турибди. De Telegraaf нашрининг хабар беришича, 51 ёшли мутахассис барча расмийлаштирув ишлари якунланганидан сўнг, Роттердам клуби билан икки мавсумга мўлжалланган шартнома имзолайди.
Ван Бронкхорст учун бу ушбу жамоа бошқарувидаги иккинчи давр бўлади. Бундан аввал у «Фейеноорд»ни 2015 йилдан 2019 йилгача машқ қилдирган ва 2016/17 йилги мавсумда клубни чемпионликка бошлаб келган эди. Шунингдек, унинг қўл остида жамоа икки бор Нидерландия кубогини ва мамлакат Суперкубогини қўлга киритган.
Қўшимча қилиш жоизки, ван Бронкхорст фаолияти давомида «Гуанчжоу Сити», Шотландиянинг «Рейнджерс» ва Туркиянинг «Бешикташ» клубларида ҳам бош мураббий сифатида ишлаган.
