«Марсел»нинг қанот ҳужумчиси Мэйсон Гринвуд Италиянинг «Рома» клубига ўтиши мумкин. Бу ҳақда Corriere dello Sport нашри хабар бермоқда.

Манбанинг берган маълумотларига кўра, «Рома» 24 ёшли футболчининг трансфери бўйича «Марсел»га таклиф юборишни режалаштиряпти. Римликлар Гринвудни 5 миллион евро эвазига ижарага олиб, кейинчалик 25 миллион еврога мажбурий сотиб олиш шартини таклиф қилмоқчи.

Италия клуби, шунингдек, бонуслар сифатида яна 10 миллион евро тўлашга тайёрлиги таъкидланмоқда, бироқ «Марсел» келишувнинг умумий суммаси 55 миллион евро бўлишини талаб қилмоқда.

Ўтган мавсумда Гринвуд барча турнирларни ҳисобга олган ҳолда 45 та ўйинда майдонга тушиб, рақиблар дарвозасини 26 бор ишғол қилди ва 11 та голли узатмага муаллифлик қилди.