Аргентина терма жамоаси бош мураббийи Лионель Скалони ЖЧ–2026 доирасида Жазоирга қарши бўлиб ўтадиган илк учрашув олдидан ҳужумчи Лионель Месси ҳақида фикр билдирди.
«Ҳамма Мессини майдонда кўришни хоҳлайди. Биз ҳам унинг ўйинини кузатишни истаймиз, чунки у жамоага жуда катта фойда келтиради. Мен учун бу доимо шундай бўлиб қолади. Унинг майдонда бўлишида ҳеч қандай салбий жиҳатни кўрмаяпман.
У турли вазиятларга дуч келган, аммо ҳар доим биз билан бирга бўлган ва жамоамиз учун ҳал қилувчи аҳамият касб этган. Ҳозир у ажойиб спорт формасида», — деди Скалони Footmercato нашрига берган интервьюсида.
Эслатиб ўтамиз, ЖЧ–2026 АҚШ, Канада ва Мексикада 11 июндан 19 июлга қадар бўлиб ўтмоқда. Амалдаги жаҳон чемпиони Аргентина терма жамоаси ҳисобланади.
Гуруҳ босқичида Аргентина терма жамоаси Жазоир, Австрия ва Иордания терма жамоаларига қарши майдонга тушади.













