2026 йилги футбол бўйича Жаҳон чемпионати билан боғлиқ оммавий тадбирлар вақтида Торонто полицияси дронлардан рухсатсиз фойдаланиш ҳолатларига қарши фаол курашмоқда, деб хабар беради CTV нашри.

Ҳуқуқ-тартибот идоралари ходимлари спорт объектлари яқинида ҳозиргача олтита учувчисиз учиш аппаратини тутиб қолишга улгуришди.

Тутиб қолинган дронлардан бирининг операторига Канаданинг амалдаги авиация қоидаларини бузганлик айби қўйилди. Ушбу чора оммавий тадбирлар хавфсизлигини таъминлаш ва шаҳар ҳудудида дронларнинг назоратсиз учиши билан боғлиқ юзага келиши мумкин бўлган хавф-хатарларнинг олдини олишга қаратилган.

Эслатиб ўтамиз, ЖЧ-2026 мусобақаси 11 июнь куни старт олди ва 19 июлга қадар давом этади.