Миср терма жамоаси ҳужумчиси Ҳамза Абделкарим ЖЧ-2026 гуруҳ босқичи 1-туридан жой олган Эронга қарши ўйиндан (2:2) кейин ўз таассуротлари билан ўртоқлашди. Абделкарим майдонда 76-дақиқада пайдо бўлди, бироқ самарали ҳаракатлари билан ажралиб тура олмади.

«Бу бутун жамоа учун яхши ўйин бўлди. Ҳамма уч очкони қўлга киритишни истаганди, якунда бир очко олдик, аммо боримизни бердик. Стадионга келган мухлисларга раҳмат айтишимиз керак, муҳит ажойиб эди. Энди бор эътиборимизни кейинги ўйинга қаратганмиз. Мухлисларимиз? Атмосфера жуда ажойиб эди, улардан миннатдормиз ва кейинги ўйинни кутяпмиз, у ерда муҳит бундан ҳам яхшироқ бўлади», — дея футболчининг сўзларини келтиради BBC One.

Эслатиб ўтамиз, 2-турда Миср Янги Зеландияга қарши майдонга тушади (22 июнь).