Янги Зеландия терма жамоаси бош мураббийи Даррен Бейзли ЖЧ-2026 гуруҳ босқичи 1-туридан жой олган Эрон терма жамоасига қарши ўйиндан сўнг ўз фикрларини билдирди. Ушбу учрашув 2:2 ҳисобидаги дуранг билан якунланди.
«Мен футболчиларим ва уларнинг кўрсатган ўйинларидан жуда фахрланаман. Улар тўпни жуда яхши назорат қилишди ва кўплаб вазиятлар яратишди. Ғалаба қозона олмаганимиздан ҳафсаламиз пир бўлди. Биз иккита жуда чиройли гол урдик. Бу аламли, чунки бизда тарихга кириш учун яхши имконият бор эди. Аммо барибир кўрсатган ўйинимиздан жуда ҳам фахрланаман», — дея Бейзлининг сўзларини келтиради BBC.
Эслатиб ўтамиз, 2-турда Янги Зеландия Мисрга қарши майдонга тушади. Ушбу учрашув 22 июнь куни бўлиб ўтади. Гуруҳнинг иккинчи ўйинида эса Эрон ва Бельгия терма жамоалари ўзаро куч синашишади.
