Эрон терма жамоаси ҳужумчиси Меҳди Тареми миллий жамоа душманлик кайфиятидаги мамлакат — Америка Қўшма Штатларида ўйин ўтказишга мажбур бўлаётган драматик сиёсий вазият фонида, ФИФАни уларга кўпроқ кўмак ва ёрдам кўрсатишга чақирди. ФИФА раҳбари Жанни Инфантинонинг терма жамоа кийиниш хонасига ташриф буюргани яхши, аммо бу етарли эмас, деб ҳисоблайди Тареми.
«Бизда бундай қўллаб-қувватлаш йўқ ва менимча, ФИФА бизга ҳозиргидан кўра кўпроқ ёрдам бериши керак. Бу ёмон вазият, чунки мана икки ойдирки, бизда кўплаб муаммолар юзага келмоқда. Бу жуда ёмон ва бу ҳолат жамоамизга салбий таъсир ўтказяпти», — дея Таремидан иқтибос келтиради The Athletic нашри.
Эслатиб ўтамиз, Эрон терма жамоаси ЖЧ-2026 нинг илк турида Янги Зеландия билан дуранг ўйнаган эди.
