Англия терма жамоаси ярим ҳимоячиси Фрэнк Лэмпард ҳужумчиси Дэнни Уэлбекнинг жароҳат олгани ҳақида фикр билдирди.

«Унинг «МЮ»даги ўйинларини кўриб, маза қиламан. Дэнни терма жамоа учун муҳим футболчи. Молдова билан ўйинда ҳам у иккита голга муаллифлик қилди, лекин бизда унинг ўрнини боса оладиган футболчилар мавжуд.

Уолкотт, Стерлинг, Янг ва Милнерларнинг ҳисобига қанотларимиз анча кучайди.

Кўпчилик Испания ёки Германия каби рақиблар бўлмагани учун бизнинг гуруҳни осон деб баҳолаган эди, лекин рақибларнинг жиддий қаршилик кўрсатишларини кутган эдик.

Украина билан ўйинда ўзимиз учун керакли натижани қўлга киритишимиз керак. Ҳаммаси ўз қўлимизда. Шу тўсиқдан ўтсак, кейин иккита уй учрашувимиз қолади»,- дейди футболчи.