Франция терма жамоаси бош мураббийи Дидье Дешам ЖЧ-2026 доирасида унинг жамоаси Сенегал устидан ғалаба қозонган (3:1) ўйиндан сўнг ўз фикрларини билдирди.
«Бу енгиллик бўлди. Биз бироз хавотирландик ва ҳаяжонландик. Сенегал яхши ўйин кўрсатди. Усмон Дембеле ва Майкл Олисенинг позицияларини ўзгартириб, эркинроқ ва бемалолроқ ўйнашни бошлаганимиздан сўнг, Брэдли Баркола жиддий хавфга айланди. Тўртта жамоадан иборат гуруҳда биринчи ўйиндаги ғалаба ҳали ҳеч нарсани ҳал қилмайди.
Франциялик мухлислар жуда узоқдан келишмоқда, бу қимматга тушади. Ғалаба қозониб, бу ҳиссиётларни баҳам кўра олсанг, футбол жуда гўзал тус олади.
Баркола? Бошланғич таркибдан жой олишга даъвогарлик қила оладиган футболчилар жуда кўп. Райан Шерки ҳам шулар жумласидан. Бизга ҳамманинг ёрдами керак бўлади», — дея Дешамнинг сўзларини келтиради RMC Sport.
«I» гуруҳиининг 2-турида Франция миллий терма жамоаси Ироқ билан (23 июнь), 3-турда эса Норвегия билан (26 июнь) тўқнаш келади.
