Килиан Мбаппе Сенегалга қарши жаҳон чемпионати ўйинида дубль қайд этди. Франция терма жамоаси 3:1 ҳисобида ғалаба қозонди. Ўтмишнинг машҳур футболчиси Уэйн Руни французлар сардори ҳақида ўз фикрларини билдириб ўтди.

«Мбаппе — ҳақиқий суперюлдуз. Мен танаффусда ҳам айтгандим, ҳужумчи сифатида сенинг омадинг келган, чунки худди у каби биринчи бўлимдаги омадсиз 45 дақиқани ўтказиб, кейин майдонга тушиб, иккинчи бўлимни бундай даражада ўтказишинг мумкин. У шунчаки ақл бовар қилмас футболчи. Ушбу турнир давомида у жаҳон чемпионатлари тарихидаги энг яхши тўпурарга айланишига ҳеч қандай шак-шубҳа йўқ», — деди Руни BBC One эфирида.

Килиан Мбаппе жаҳон чемпионатларида 14 та гол урди. Рекорд эса Мирослав Клозега тегишли — германиялик ҳужумчи мундиалларда 16 бор рақиблар дарвозасини ишғол этган.