«Ювентус» ҳимоячиси Андреа Камбьясо ёзги трансфер ойнасида клубини ўзгартириши мумкин. Бу ҳақда инсайдер Экрем Конур маълумот бермоқда.

Манбанинг ишонч билдиришича, «Ювентус» ўз футболчиси учун 40 миллион евро талаб қилмоқда. Айни пайтда италиялик футболчи учун «Челси» ва «Барселона» клублари фаол кураш олиб боришмоқда.

Якунланган клуб мавсумида 26 ёшли Камбьясо барча мусобақаларни ҳисобга олган ҳолда 47 та учрашувда майдонга тушиб, 3 та гол урди ва 5 та голли узатмага муаллифлик қилди.

Камбьясонинг «Ювентус» билан амалдаги шартномаси 2029 йилга қадар мўлжалланган. Transfermarkt портали маълумотларига кўра, футболчининг баҳоси 20 миллион еврони ташкил этади.