«Yuventus» himoyachisi Andrea Kambyaso yozgi transfer oynasida klubini o‘zgartirishi mumkin. Bu haqda insayder Ekrem Konur ma’lumot bermoqda.

Manbaning ishonch bildirishicha, «Yuventus» o‘z futbolchisi uchun 40 million yevro talab qilmoqda. Ayni paytda italiyalik futbolchi uchun «Chelsi» va «Barselona» klublari faol kurash olib borishmoqda.

Yakunlangan klub mavsumida 26 yoshli Kambyaso barcha musobaqalarni hisobga olgan holda 47 ta uchrashuvda maydonga tushib, 3 ta gol urdi va 5 ta golli uzatmaga mualliflik qildi.

Kambyasoning «Yuventus» bilan amaldagi shartnomasi 2029 yilga qadar mo‘ljallangan. Transfermarkt portali ma’lumotlariga ko‘ra, futbolchining bahosi 20 million yevroni tashkil etadi.