«ПСЖ» ярим ҳимоячиси Ли Кан Ин фаолиятини Испанияда давом эттириши мумкин.
Журналист Карлос Монфортнинг берган маълумотларига кўра, кореялик футболчини сотиб олишга «Барселона» қизиқиш билдирмоқда. Каталония клуби спорт директору Деку аллақачон футболчининг агенти билан музокаралар ўтказди. Аввалроқ парижликлар ушбу ёзда хавбекни сотиб юбориш ниятида эканлиги ҳақида бир неча бор хабар берилган эди.
Ли Кан Ин 2023 йилда «Мальорка»дан «ПСЖ»га 22 миллион евро эвазига ўтган эди. Унинг шартномаси 2028 йилнинг 30 июнига қадар мўлжалланган. 2025/26 йилги мавсумда ярим ҳимоячи Париж клуби сафида барча мусобақаларда 39 та ўйинда майдонга тушиб, 4 та гол урди ва 5 та голли узатмани амалга оширди.
