Мадриднинг «Реал» клуби марказий ҳимоячиси Антонио Рюдигер Дортмунднинг «Боруссия» клуби вакили Нико Шлоттербекнинг «қаймоқранглилар» лагерига ўтиши мумкинлиги борасидаги трансфер хабарларига тўхталиб ўтди.

«Яхши футболчилар ҳаммага керак. Мен бундан фақат хурсанд бўлардим. Нико ҳар доим хавфли, айниқса стандарт вазиятларда. У жуда агрессив, доим курашга киришишга тайёр ва тўпни олиб қўйишда жуда ажойиб ҳаракат қилади. Унинг чап оёғи — шунчаки олтин», — дея Рюдигернинг сўзларидан иқтибос келтирмоқда журналист Флориан Плеттенберг.

Якунланган клуб мавсумида 26 ёшли Шлоттербек «Боруссия» таркибида 37 та ўйинда майдонга тушиб, ўз ҳисобига 5 та гол ва 2 та голли узатмани ёздириб қўйди.

Transfermarkt портали маълумотларига кўра, ҳимоячининг трансфер бозоридаги жорий баҳоси 55 миллион еврони ташкил этади.