Португалия терма жамоаси футболчиси Жоау Невеш Жаҳон чемпионати-2026 гуруҳ босқичи 1-туридан ўрин олган Конго ДРга қарши учрашувнинг энг яхши ўйинчиси деб топилди.
Ярим ҳимоячи ушбу баҳсда ўз жамоасининг ягона голига муаллифлик қилди. Невеш бош билан аниқ зарба бериб рақиб дарвозасини ишғол этди, шунингдек, Португалия терма жамоаси таркибидаги энг фаол футболчилардан бири бўлди. Ўйин якунларига кўра, ФИФА 20 ёшли футболчига учрашувнинг энг яхши ўйинчисига бериладиган махсус совринни топширди.
Эслатиб ўтамиз, Португалия терма жамоаси турнирнинг старт учрашувида Конго ДРни мағлуб эта олмади. Баҳс 1:1 ҳисобидаги дуранг билан тугади. Навбатдаги турларда Роберто Мартинес шогирдлари Ўзбекистон ва Колумбия терма жамоаларига қарши майдонга тушишади.
