Англия терма жамоасининг собиқ футболчиси Крис Саттон Португалия терма жамоаси бош мураббийи Роберто Мартинеснинг Конго ДРга қарши ЖЧ-2026 1-тур учрашувидаги қарори юзасидан танқидий фикр билдирди.
Учрашувда 41 ёшли Криштиану Роналду асосий таркибда майдонга тушиб, тўлиқ 90 дақиқа ҳаракат қилди, аммо гол ёки голли узатма билан ажралиб турмади. Ўйин 1:1 ҳисобида якунланди.
Саттоннинг фикрича, Мартинес Роналдуни алмаштиришдан қўрқади ва бу жамоа манфаатига тўсқинлик қилади.
«Мартинес Роналдуни майдондан олишдан қўрқади. У ҳақиқий мураббий эмас. У ҳатто ғалаба голини урса ҳам, бугун у тўлиқ ўйиндан чиқиб кетган эди», — деди Саттон A Bola нашрига берган изоҳида.
Маълумот учун, Жаҳон чемпионати-2026 АҚШ, Канада ва Мексикада бўлиб ўтмоқда. Бу Роналдунинг фаолиятидаги олтинчи мундиал ҳисобланади.
Португалия терма жамоаси гуруҳ босқичи кейинги турларда Ўзбекистон ва Колумбияга қарши майдонга тушади.













