АҚШ миллий терма жамоаси бош мураббийи Маурисио Почеттино ЖЧ-2026 илк турида Жазоир терма жамоаси дарвозасига учта гол урган (3:0) Аргентина терма жамоаси ҳужумчиси Лионель Месси ҳақида ўз фикрларини билдириб ўтди.
«У бошқа сайёрадан келган. Бу ақл бовар қилмас даражада... Уни таърифлаш ёки ифодалаб бериш учун бирор бир ўхшатиш, метафора ёки сўз топиш мутлақо имконсиз.
Жаҳон чемпионларини ўз футболчилари, мураббийлар штаби ва мухлислари билан биргаликда кўриш жуда ажойиб... Фақатгина Аргентина иштирокидаги ўйинларда стадиондаги ишқибозларнинг ҳайқириғи шарҳловчиларнинг овозидан ҳам баландроқ эшитилади.
Аргентина — турнир фаворити. Улар буни доим қийин кечадиган дастлабки учрашувдаёқ исботлаб қўйишди», — деди Маурисио Почеттино COPE нашрига берган интервьюсида.
