Мадриднинг «Реал» клуби янги аъзоси Марк Кукурелья «қаймоқранглилар» бош мураббийи Жозе Моуриньо билан ўрталарида бўлиб ўтган суҳбат ҳақида гапириб берди.
«Моуриньо менга мен билан бирга ишлаш имкониятини жуда интиқлик билан кутаётганини, жамоага ажойиб тарзда киришиб кета олишимни ва "Реал" буюк жамоа эканлигини айтди. Моуриньонинг менга билдирган бундай ишончидан жуда хурсандман. Унинг қўл остида иш бошлашни сабрсизлик билан кутяпман», — дея Кукурельянинг сўзларидан иқтибос келтирмоқда EL MUNDO нашри.
«Реал» матбуот хизмати 15 июнь куни Кукурельянинг «Челси»дан трансфер қилинганини эълон қилган эди. 27 ёшли испаниялик ҳимоячи клуб билан 2032 йилгача мўлжалланган меҳнат шартномасини имзолади.
Испания чемпионатининг янги мавсуми август ойида старт олади. Ортда қолган мавсумда «қироллик клуби» турнир жадвалида иккинчи ўринни банд этган эди.
