Франция миллий терма жамоаси ҳимоячиси Мало Гюсто машғулот жараёнида жароҳат олди. «Учранглилар» айни пайтда Жаҳон чемпионати гуруҳ босқичи 2-туридан ўрин олган Миср терма жамоасига қарши учрашувга тайёргарлик кўришмоқда.
RMC Sport журналистларининг хабар беришича, ҳимоячи тўпиғидан жароҳат олган. Унинг жароҳати қанчалик жиддий эканлиги ҳозирча номаълум бўлиб қолмоқда.
Франция ва Миср терма жамоалари ўртасидаги учрашув 23 июнь куни бўлиб ўтади.
Эслатиб ўтамиз, Шимолий Америкада бўлиб ўтаётган Жаҳон чемпионатининг дастлабки турида Дидье Дешам шогирдлари Сенегал терма жамоасини 3:1 ҳисобида мағлубиятга учратган эди.
