«Сельта» клуби ярим ҳимоячиси Илайкс Мориба фаолиятини Италияда давом эттириши мумкин.
Tuttosport нашри тарқатган маълумотларга кўра, «Ювентус» клуби футболчини ўз сафига қўшиб олишга қизиқиш билдирмоқда. Турин клуби анча вақтдан бери хавбек атрофидаги вазиятни диққат билан кузатиб келмоқда.
Илайкс Мориба 2025 йилда «РБ Лейпциг» клубидан 6 миллион евро эвазига «Сельта»га кўчиб ўтган эди. Унинг клуб билан амалдаги шартномаси 2029 йилнинг 30 июнига қадар мўлжалланган. Ортда қолган 2025/26 йилги мавсумда ярим ҳимоячи Испания клуби сафида барча мусобақаларда жами 48 та ўйинда майдонга тушиб, 2 та гол урди ва 4 та голли узатмани амалга оширди.
Transfermarkt портали футболчининг айни пайтдаги трансфер баҳосини 15 миллион еврога баҳоламоқда. Таъкидлаб ўтиш жоизки, Мориба «Барселона» клуби академияси тарбияланувчиси ҳисобланади.
