«Барселона» ҳужумчиси Рафинья фаолиятини Саудия Арабистонида давом эттириши мумкин.

RadioCAT хабарига кўра, бразилиялик футболчининг келажаги жаҳон чемпионатидан кейин ҳал бўлади. Ҳозирча футболчининг каталонияликлар клубида қолиши кафолатланмаган. «Ал-Ҳилол» форвард трансфери бўйича 80 миллион евро миқдоридаги дастлабки таклифни тайёрламоқда. Шу билан бирга, «кўк-анорранглилар» Рафиньяга агар ўзи хоҳласа, жамоадан кетишини осонлаштириб беришга ваъда беришган.

Рафинья 2022 йилда «Лидс»дан «Барселона»га 58 миллион евро эвазига ўтган эди. Унинг шартномаси 2028 йилнинг 30 июнига қадар мўлжалланган. 2025/26 йилги мавсумда бразилиялик футболчи каталонияликлар клуби сафинда барча турнирларда 33 та ўйинда майдонга тушиб, 21 та гол урди ва саккизта голли узатмани амалга оширди.