Англия терма жамоаси бош мураббийи Томас Тухель ЖЧ-2026 доирасидаги Хорватияга қарши ўйиндан олдин (4:2) мадҳия ижро этилаётган вақтда фотографлар сабабли футболчиларни кўра олмаганидан норози бўлди.
«Мен бир нарсани айтишим керак. Мадҳиялар янграётган пайтда фотографларнинг жойлашувини ўзгартиришни ФИФАдан ўтиниб сўрайман, чунки ўша сонияларда ўз жамоамни кўра олмадим.
Мен буни интизорлик билан кутгандим. Бу жуда ва жуда махсус лаҳза эди, мен эса ярим метр масофада турган 50 та фотографдан иборат девор қаршисида қолдим ва бирорта ҳам футболчини кўра олмадим. Бу таассуротларимга бироз путур етказди.
Бу жуда ҳаяжонли лаҳза. Мен ёш бўлган ва мураббийликни бошлаган пайтларимда бундай воқеани орзу қилиш жуда улкан мақсад эди», — деди Тухель.
