Angliya terma jamoasi bosh murabbiyi Tomas Tuxel JCH-2026 doirasidagi Xorvatiyaga qarshi o‘yindan oldin (4:2) madhiya ijro etilayotgan vaqtda fotograflar sababli futbolchilarni ko‘ra olmaganidan norozi bo‘ldi.
«Men bir narsani aytishim kerak. Madhiyalar yangrayotgan paytda fotograflarning joylashuvini o‘zgartirishni FIFAdan o‘tinib so‘rayman, chunki o‘sha soniyalarda o‘z jamoamni ko‘ra olmadim.
Men buni intizorlik bilan kutgandim. Bu juda va juda maxsus lahza edi, men esa yarim metr masofada turgan 50 ta fotografdan iborat devor qarshisida qoldim va birorta ham futbolchini ko‘ra olmadim. Bu taassurotlarimga biroz putur yetkazdi.
Bu juda hayajonli lahza. Men yosh bo‘lgan va murabbiylikni boshlagan paytlarimda bunday voqeani orzu qilish juda ulkan maqsad edi», — dedi Tuxel.
