Португалия терма жамоаси ярим ҳимоячиси Жоау Невеш жаҳон чемпионатидаги илк голини вафот этган онасига бағишлади. Футболчи Конго ДР терма жамоасига қарши учрашувнинг (1:1) олтинчи дақиқасида бош билан гол урди. Ўйинчининг онаси 2024 йилнинг февраль ойида саратон касаллигига қарши узоқ давом этган курашдан сўнг вафот этган эди.
«Онам ҳар доим мен билан эканлигини биламан, шунинг учун ҳам бармоқларимни осмонга қаратдим. Жаҳон чемпионатидаги илк голим — у киши учун!» — дея Невешнинг сўзларини келтиради X ижтимоий тармоғидаги Actu Foot аккаунти.
Жаҳон чемпионати — 2026 мусобақаси 11 июндан 19 июлгача бўлиб ўтади. Гуруҳ босқичининг кейинги турларида Португалия терма жамоаси Ўзбекистон (23 июнь) ва Колумбия (28 июнь) билан ўйнайди.
