Босния ва Герцеговина терма жамоаси бош мураббийи Сергей Барбарез 2026 йилги Жаҳон чемпионати гуруҳ босқичи 2-туридан ўрин олган Швейцарияга қарши ўйин олдидан ўз кутилмалари билан ўртоқлашди.
«Биз қўлга киритган ўша очкога лойиқ эдик, бугунги ўйин нима беришини эса кўрамиз. Ҳамма нарса фақат бизга эмас, балки рақибга ҳам боғлиқ. Бироқ қоидамиз ўзгаришсиз қолади: бор эътиборни ўзимизга қаратиш, энг яхши футболимизни кўрсатиш ва ғалаба қозонишга ҳаракат қилиш», — дея Барбарез сўзларини келтиради ФИФА матбуот хизмати.
«Мен йигитларга доимо ҳозирги лаҳза билан яшаш кераклигини эслатиб тураман. Кун келиб бу Жаҳон чемпионати шунчаки хотирага айланади, шунинг учун уларнинг бахтли бўлишларини ва шу ерда эканликларидан қувонишларини истайман. Улар бунга лойиқ. Фақат шу йўл билангина ўзингнинг энг яхши футболингни кўрсата оласан», — деди мутахассис.
