Bosniya va Gersegovina terma jamoasi bosh murabbiyi Sergey Barbarez 2026 yilgi Jahon chempionati guruh bosqichi 2-turidan o‘rin olgan Shveysariyaga qarshi o‘yin oldidan o‘z kutilmalari bilan o‘rtoqlashdi.
«Biz qo‘lga kiritgan o‘sha ochkoga loyiq edik, bugungi o‘yin nima berishini esa ko‘ramiz. Hamma narsa faqat bizga emas, balki raqibga ham bog‘liq. Biroq qoidamiz o‘zgarishsiz qoladi: bor e’tiborni o‘zimizga qaratish, eng yaxshi futbolimizni ko‘rsatish va g‘alaba qozonishga harakat qilish», — deya Barbarez so‘zlarini keltiradi FIFA matbuot xizmati.
«Men yigitlarga doimo hozirgi lahza bilan yashash kerakligini eslatib turaman. Kun kelib bu Jahon chempionati shunchaki xotiraga aylanadi, shuning uchun ularning baxtli bo‘lishlarini va shu yerda ekanliklaridan quvonishlarini istayman. Ular bunga loyiq. Faqat shu yo‘l bilangina o‘zingning eng yaxshi futbolingni ko‘rsata olasan», — dedi mutaxassis.
