Австрия терма жамоаси дарвозабони Александр Шлагер ЖЧ-2026 доирасида Аргентинага қарши ўйин олдидан аргентиналик ҳужумчи Лионель Месси ҳақида ўз фикрларини билдирди. Шу билан бирга у Португалия терма жамоаси сардори Криштиану Роналдуни ҳам тилга олди.
— Аслида мен Криштиану Роналдунинг мухлисиман.
Месси узоқ йиллар давомида шунчалик юқори даражада ўйин намойиш этиб келаётган футболчики, унга қарши нимадир дейиш ёки танқид қилишга уринишнинг ўзи манманлик бўларди. У ниҳоятда харизматик инсон ва бу унинг жамоасида ҳам сезилиб туради. Унинг майдонда тарқатаётган энергияси ва яратаётган муҳити жуда таъсирли. Шунинг учун ҳам бу ўйинни интиқлик билан кутяпман ва биз унга қарши муносиб қаршилик кўрсатиш учун бор кучимизни ишга соламиз, — деди Шлагер TyC Sports нашрига берган интервьюсида.
Эслатиб ўтамиз, Аргентина — Австрия учрашуви ЖЧ-2026 гуруҳ босқичининг 2-тури доирасида 22 июнь куни бўлиб ўтади.













