Лондоннинг «Арсенал» клуби ярим ҳимоячиси Итан Нванери Англиянинг бошқа бир топ-клуби қизиқишлари доирасига тушди. Бу ҳақда Indykalia нашри хабар бермоқда.

Манбанинг берган маълумотларига кўра, «Ливерпуль» 19 ёшли футболчини ўз сафига жалб этишни истамоқда. «Канонирлар» эса, ўз навбатида, агар молиявий жиҳатдан яхши таклиф тушса, Нванери билан хайрлашишга тайёр. Хавбекнинг бозор қиймати 35 миллион еврони ташкил қилади.

Эслатиб ўтамиз, Нванери якунланган мавсумнинг иккинчи ярмини «Марсель» клубида ижара асосида ўтказди. Ярим ҳимоячи Франция жамоаси сафида 9 та учрашувда майдонга тушиб, ўз ҳисобига 2 та гол ва 1 та голли узатмани ёздириб қўйди.