«Манчестер Сити»нинг ҳужумкор ярим ҳимоячиси Жереми Доку яқин келажакдаги режаларини белгилаб олди. Бу ҳақда La Derniere Heure журналистлари хабар бермоқда.

Манбага маълум бўлишича, бельгиялик вингер бошқа клубларнинг қизиқишларига қарамай, камида кейинги мавсум якунига қадар инглиз топ-клубида қолишга қарор қилган. Доку ўзига бўлган барча таклифларни рад этган.

Жеремининг бозор қиймати 75 миллион еврога баҳоланмоқда. Томонлар ўртасидаги амалдаги меҳнат шартномаси 2028 йилнинг ёзида ниҳоясига етади.

Якунланган мавсумда Доку 47 та учрашувда майдонга тушди. Бельгиялик футболчи ўз ҳисобига 8 та гол ва 14 та голли узатмани ёздириб қўйишга муваффақ бўлди.